Atong Natural nga Industriya (PANGUMA)

Friday, December 10, 2010

Organikong TamBitamin Para sa Hayopan

SA tinguha nga mapatubo ang mga hayopan sa organikong pamaagi, may pipila nga ming-ugmad og teknolohiya aron pagprodyus og kaugalingong feed supplement.

Imbes mogamit sa komun nga veterinary drugs nga mapalit sa mga agrivet supply, ang magtiayon nga Rey ug Sandy Itchon migamit sa ilang kaugalingong pormula sa FPJ (Fermented Plant Juice) sa ilang binuhing free-range white chickens sukad sa piso pa (day-old chick) hangtod sa pagharbes pinaagi sa pagsagol sa ilimnong tubig niini. Isip bitamina, makatabang ang FPJ sa kusog nga pagtubo sa mga manok.

Gawas sa FPJ, ang mga Itchon migamit usab og OHN (Oriental Herbal Nutrient) kausa matag tulo ka adlaw nga giingong makapahimsog sa immune system sa mga binuhi nga dakog papel sa pagpanalipod niini batok sa stress ug mga sakit.

Ang ampayng materyal nga gigamit nila sa paghimo sa ilang kauglingong FPJ mao ang mga dahonang kusog manubo sama sa alugbati, tangkong, kamote, palwa sa saging ug water hyacinth. Ila kining giad-ad og pino pinaagig shreder ug gi-ferment uban sa molasses.

Sa matag tulo ka kilong inad-ad nga mga tanom, dinugangag usa ka kilo nga molasses igo nang makaprodyus og 2.5 litros nga fermented plan juice. Sa pag-aplay, duha ka kutsara sa FPJ sa matag litrong ilimnon tubig.

Hinuon, migamit gihapon sila og commercial feeds apan kausa na lang matag adlaw— sa kada alas singko lang sa hapon. Ug sa last 20 days, dinugmok mais na lang ang ilang gipakaon aron sa dugang pagpabus-ok sa unod.

Kon ang mga broiler raiser sagad moani sa ilang mga manok 30-45 diyas, sila si Itchon ilang paabtog 60-70 diyas aron mas molamian pa ang unod niini. Su’d sa maong gidugayon, ang mga manok sagad motimbang nag tagurha ka kilo (buhi) o 1.3 kilos sa inihaw na.—

1 Comments:

Blogger mrwilliam said...



Hello, Do you need a loan from The most trusted and reliable company
in the world? if yes then contact us now for we offer loan to all
categories of seekers be it companies or for staff usage. We offer
loan at 3% interest rate, Contact us via email:
trustedbusiness01@gmail.com

June 4, 2017 at 4:18 AM

 

Post a Comment

Subscribe to Post Comments [Atom]

<< Home